33 RAZÓNS PARA LER

Razonesparaleer.Ppt

View more presentations from ptorres.

LER POESÍA

Os Laretas estamos a ler moita poesía durante este mes de marzo, e nos está a gustar moito. Agora andamos a voltas co libro VENTOS de Antonio G. Teijeiro e os poemas de Uxío Novoneyra sobre a neve. Deste xeito o noso proxecto ¿porque neva? tamén bota unha ollada a literatura.

Dende aquí queremos animar a todas as familias a que leades poesía con nós e por iso imos facer algunhas recomendacións.

Hai moitas razóns para ler poesía:

1. A poesía non require moito tempo , xa que os poemas adoitan ser breves.


2. Lendo poesía melloras o teu vocabulario.


3. Os poetas móstranche o mundo dende unha nova perspectiva .


4. A poesía fai pensar. É un desafío a que a comprendas e a interpretes.


5. A poesía tamén pode ser divertida.

¿Ainda non non estás convencido/-a?. Ofrecerémosche mais razóns.

2010 ANO DO LIBRO E A LECTURA

O ano 2010 foi declarado ANO DO LIBRO E A LECTURA, pero ademais, é o centenario da morte de escritores e poetas como Andersen, ou 0 125º de Rosalía de Castro.

O día das LETRAS GALEGAS está adicado a Uxio Novoneyra. O 21 de marzo é o DÍA DA POESÍA e o 23 de Abril o DÍA DO LIBRO.
Ante tantas conmemoracións os Laretas estamos a preparar algo moi especial: UN RECITAL POÉTICO e gustaríanos contar coa colaboración das familias.

Se queres saber cousas de UXIO NOVONEYRA fai clic aquí.

Os Laretas retomamos hoxe o noso proxecto trimestral "¿Por que neva?, e o fixemos cun novo experimento: medindo a forza e dirección do vento.

Con material de refugallo construimos un medidor de vento e un remuíño que poidemos probar dende a ventá da nosa clase.

O ENTERRO DA SARDIÑA

Hoxe os Laretas vivimos un emotivo ENTERRO DA SARDIÑA. O sepelio tivo lugar ás 13.00 horas no CEIP de Balaidos e contou coa presenza de todos os laretas que con moita dor e consternación deron o último adeus ao Entroido. Somentes os gritos desgarrados dalgunha lareta e os choros romperon o silencio de tan triste momento.

Pero a tristeza desvaneceuse cando os Laretas poidemos degustar algúns dos doces típicos destas datas nunha sinxela pero alegre reunión na aula .

ÚLTIMA FUNCIÓN DO CIRCO BALAIDOS

Onte venres 12 de febreiro O GRAN CIRCO DE BALAIDOS despediuse ata outra ocasión cunha estelar actuación nos arredores do CEIP Balaidos .

A función comenzou a iso das 12:30 horas coa formación dos artistas presididos polo MECO. Seguíanlle paiasos, magos, animadoras, forzudos, mimos, malabaristas e ata domadores de tigres e leóns.

O público asistente tivo a oportunidade de disfrutar dun pasarrúas cheo de cor e alegría amenizado por pequenas coplas e moita, moita música.

O peche final tivo lugar no patio do gran circo coa lectura dunha emotiva despedida ao Meco e o seu xuizo final, antes de proceder a súa queima solicitada con fervor por todos os asistentes.

Rematamos cun gran baile amenizado polo noso gran Dj o PAIASETE RAFETE e os seus mais estreitos colaboradores encargados das labores de limpeza: OS PAIASOS BARRELOTODO ROGELIO E MANOLO.

Vexamos xa as reportaxes.

VISITA AO MARCO

Hoxe Os Laretas fomos visitar a exposición de Jorge Barbi no Museo de Arte Contemporáneo de Vigo. Saímos do cole as 10:30h acompañados dos nenos/-as de 1º A e os /as profes. No MARCO esperábannos as guías que nos acompañarían na visita. Dividíronnos en dous grupos e nós fomos con Cristina. Empezamos descubrindo o significado da palabra MARCO e falamos un pouquiño do que sabiamos de Jorge Barbi. (Un segredo: xa investigaramos na clase e sabíamos algo sobre o artista).

Despois comezamos a visita polas distintas salas. Como ao autor lle gusta tanto a natureza todas as súas obras están feitas con materiais naturais, como ésta, cunha chapa de aluminio e unha pistola de perdigóns. ¿ Que parece?







Unha pista : falamos do espazo



Seguimos cun fermoso xogo de linguaxe, buscando palabras que estivesen relacionadas coas partes do día.




Unha pista : falamos de tempo





É agora observamos simetrías. Os cadros de Jorge Barbie que observamos son fotos feitas polo artista na beira do mar, preferiblemente en sitios rocosos. Sodes quen de imaxinar que é eso tan branco?












¡Pois son as ondas do mar ao bater coas rochas.O artista duplica a foto no cadro de xeito que quede simétrica.!

¿E estas outras? Pois están feitas con elementos da natureza, en concreto con materiais que proveñen das gaivotas. Mirade:










Hora de relaxarse mirando as paredes desta sala chea de animais e números que nos dicen a esperanza de vida de cada un deles.




Observamos aquí series numéricas.





E rematamos visitando unha obra na que o artista utiliza o esquelete dun can e a sua propia silueta unidas pola cadea. Foi a que mais nos chamou a atención.
.









E que mellor xeito para rematar a nosa visita que facendo as nosas propias obras, meténdonos de cheo no papel de artistas. Este foi o resultado.










¡Aprender matemáticas é mais divertido a través do arte.!